Bloggfærslur mánaðarins, janúar 2009

Bla bla

Jæja,

Nú er allt á fullu og mikið að gera en lítið um svefn. Ég hlakka mikið til að sofa út á laugardaginn. Kannski nenni ég líka að læra eins og maður og kannski að blogga. Þó það væri nú ekki nema nokkrar línur.

Getur einhver sagt mér hvað stjórnlagaþing er ofann á brauð?

Heyrðu svo er bara hvíthærð lesbísk flugfreyja að fara stjórna landinu, gaman af því.


ALÞING HIÐ NÝJA

ALÞING HIÐ NÝJA      (1840)

Jónas Hallgrímsson

 

Hörðum höndum
vinnur hölda kind
ár og eindaga,
siglir særokinn,
sólbitinn slær,
stjörnuskininn stritar.

 

Traustir skulu hornsteinar
hárra sala.
Í kili skal kjörviður.
Bóndi er bústólpi,
bú er landstólpi,
því skal hann virður vel.

 

Fríður foringi
stýri fræknu liði,
þá fylgir sverði sigur.
Illu heilli
fer að orustu
sá, er ræður heimskum her.

 

Sterkur fór um veg,
þá var steini þungum
lokuð leið fyrir.
Ráð-at hann kunni,
þótt ríkur sé,
og hefðu þrír um þokað.

 

Bera bý
bagga skoplítinn
hvert að húsi heim.
En þaðan koma ljós
hin logaskæru
á altari hins göfga guðs.

            *

 

Vissi það að fullu
vísir hinn stórráði.
Stóð hann upp af stóli,
studdist við gullsprota:
"Frelsi vil ég sæma
framgjarnan lýð,
ættstóran kynstaf
Ísafoldar.

 

Ríða skulu rekkar,
ráðum land byggja,
fólkdjarfir fyrðar
til fundar sækja,
snarorðir snillingar
að stefnu sitja,
þjóðkjörin prúðmenni
þingsteinum á.

 

Svo skal hinu unga
alþingi skipað
sem að sjálfir þeir
sér munu kjósa.
Gjöf hef ég gefið,
gagni sú lengi
foldu og fyrðum,
sem ég fremst þeim ann".

 

Þögn varð á ráðstefnu,
þótti ríkur mæla.
Fagureygur konungur
við fólkstjórum horfði.
Stóð hann fyrir stóli,
studdist við gullsprota.
Hvergi getur tignarmann
tigulegri.

            *

 

Sól skín á tinda.
Sofið hafa lengi
dróttir og dvalið
draumþingum á.
Vaki vaskir menn!
Til vinnu kveður
giftusamur konungur
góða þegna.

Hvers vegna hann?

Hvers vegna Björgvin af hverju ekki þeir ráðherrar sem lengst hafa setið í ríkisstjórn og bera tvímælalaust ábyrgð á ástandinu? Þá meina ég ráðherra sjálfstæðisflokksins, og þá helst Árna M. sem gegnir embætti fjármálaráðherra og ráðningastjóra fyrir Davíð nokkurn Oddsson. Talandi um vanhæfa menn hvers vegna situr Davíð enn á sínum breiða botni í stóli seðlabankastjóra. Það er vissulega margir vanhæfir við völd og ættu tvímælalaust segja af sér, en Björgvin G. Sigurðsson er ekki einn af þeim. Hvers vegna er það alltaf góða fólkið sem þarf að bera baggana þungu fyrir hræsnarana sem hoppa um samviskulausir.  En Björgvin á heiður skilið fyrir að axla þá pólitísku ábyrgð sem hann ber sem ráðherra á hruninu og væri óskandi að fleiri en hann einn gerðu slíkt hið sama.
mbl.is Fimmti ráðherrann sem segir af sér
Tilkynna um óviðeigandi tengingu við frétt

Til hamingju með daginn

Gleðilegan Bóndadag, bændur.farmer


Ekkert væl

Jæja,

Það mæti bara halda að það væri ekkert í gangi. Enda er svo sem ekkert merkilegt þannig séð í gangi. Þetta gengur bara sinn vanagang, kennararnir eru samir við sig, nemendurnir líka og ég bara mest líkur sjálfum mér.

Það helsta er kannski að það var verið að benda mér á að sækja um yoga-kennsluréttindanám. Þá gæti ég unnið með skólanum, um helgar og í fríum. Hverjum hefði svo sem dottið í hug að ég ætti eftir að verða yogakennari? Ekki mér, það er nokkuð víst. En það er líka eins gott að mér gangi betur en um páskanna þegar ég var að sýna fjölskyldunni yoga-æfingar og snéri mig næstum úr hálsliðnum. Verst var þegar ég var að syngja með pabba, hildi og kirkjukórnum á kirkjuloftinu í fermingunni hennar Aðalaheiðar, með snúinn háls. Ég fékk nefnilega súper ofur verkjatöflu hjá mömmu, sem gerði það að verkum að ég fann ekkert til né frá. Þetta svolítið eins og vera drukkinn alls staðar nema í hausnum. Og svo þegar fjölskyldan gekk til altaris vildi ekki betur til en svo að Unnarsson flaug niður stigann en tókst, þökk sé verkjalyfunum, að lenda dúnmjúkt á kirkjugólfinu á fjaðurmögnuðum fótleggjunum. Enginn var því við flugferð þessa nema ég og kannski skaparinn, nema hann hafi verið of upptekinn við að taka á móti Aðalheiði. Kannski kenni ég bara gömlu fólki sem getur hvort sem er ekkert hreyft sig eða óléttum konum sem mega ekkert gera. Þá snýst enginn úr hálslið. Samt get ég alveg mælt með nuddi í eldhúsinu hjá Jóu í brekkubæ, hún nær manni nokkuð góðum sko.


Gáfulegt

Jæja, það er nú alveg merkilegt hvað maður þarft alltaf margt annað að gera þegar kemur að því að læra. Eins og í kvöld kom ég heim um 11, ahh nógur tími til að kíkja á heimavinnuna, hugasði ég. En samt veit ég ekki fyrr en ég er farinn að þrífa baðherbergið. Eitthvað sem Jenny ætlaði að gera, en samt var ég alveg á fullu að að skúra og skrúpa. Ég renndi meira að segja yfir ganginn svona til hafa allt á hreinu.

En það gengur samt ágætlega, ég held samt að mér finnist alltaf eins og ég geri ekki nóg. Samt er ég að vinna minnst 12 tíma á dag. Ég veit samt hvað það er, ég nefnilega ekki að klára frá óþarfa hugsanir sem ég á að vera gera. Eitthvað sem hjálpar alveg gífurlega. En þetta er nú allt að smella saman held ég.

Obama er tekinn við og heimurinn fyllist bjartsýni, ég óska öllum innilega til hamingju. Velkomin í betri heim. Spurningin hver verður okkar íslendinga Obama?

Auðvita ég!

Ekki?

Hva, þessi skóli á svo aldeilis eftir að gera svo snjallan og yfirvegaðan að stjórna einu örríki á hvolfi verður eins og að smyrja kæfusamloku, ekkert mál.

Líklega er samt best að fara koma sér í bólið... Lítið orðið eftir af heilbrigðri hugsun...

Lokaorð þessa dags:

Ef þú vilt koma í veg fyrir að vera gagnrýndur, þá skaltu ekkert gera, ekkert segja og ekkert vera. Kjarval.

 


blogg

jæja það er örugglega um margt að ræða en nennan er eitthvað takmörkuð. Ég mæti galvaskur fram á ritvöllinn að vörmu spori. En þangað má orna sér við meira lækna grín.


- Að höfðu samræði við lækni féllst hann á að koma sjálfviljugur inn.

- Á öðrum degi var hnéð betra og á þriðja degi var það alveg horfið.

- Daginn fyrir innlögn borðaði hún kvöldmat á eðlilegan hátt með kjötbollum.

- Eðlileg augnskoðun fyrir utan sérkennilegt andlitsfall...

- Eftir það var hún í samkvæmi...

- Fékk vægan verk undir morgunsárið...

- Hún hefur þroskast eðlilega framan til...

- Hún rann til á svelli og virðist að lappirnar á henni hafi farið í sitt hvora áttina í byrjun desember.

- Húðin var rök og þurr.

- Misnotaði áfengi í óhófi áður fyrr...

- Móðir getur látið barnið sitja með því að setja fæturna í hring...

- Nú er svo komið fyrir henni að hún getur að mestu hjálpað sér sjálf...

- Saga er fengin hjá uppgefnum ættingjum...

- Sjúklingur á vanda til að fara austur í sveit um helgar. Þar datt undan henni hestur...

- Sjúklingur var í morgun að drekka te og borða maís þegar að bar mann sem heitir Kristmundur.

- Skoðun við komu leiðir í ljós unglingspilt...

- Tekin var mynd af sjúklingi sem sýndi breytingar í Hafnarfirði...

- Við komu á spítalann var sjúklingur fljótlega skoðaður af undirrituðum og kemur þá í ljós að um er að ræða 46 ára karlmann sem er mjög þrekvaxinn og vöðvastæltur...

- Við rectal exploration fannst stækkaður skjaldkirtill...

- Við skoðun á sjúklingi kemur fram áberandi kyndeyfð...

- Við skoðun eru engar eitlastækkanir að gagni...

- Það sem fyllti mælinn var þvagleki...

- Það vottar fyrir gyllinæð hægra megin á kálfa...

- Þegar hann var lagður inn hafði ör hjartsláttur stoppað og honum leið betur.

- Þessi maður veit ekkert um skyldleika í ætt....

- Sjúklingur batnar ef lagst er ofan á hann...

- Sjúklingur borðar reglulegt mataræði...

- Sjúklingur er ekki þekktur fyrir að fremja sjálfsmorð.

- Sjúklingur er fertug, að öðru leyti ekkert athugavert.

- Sjúklingur er svo hress að hann gæti gengið langleiðina til Akureyrar...

- Sjúklingur er tilfinningalaus frá tá og niður úr.

- Sjúklingur fékk sér vöfflur í morgunmat og var kominn með lystarstol í hádeginu.

- Sjúklingur fékk þá mjög langsótt kvef...

- Sjúklingur fær verki í bringuna ef hún liggur á vinstri hlið lengur en í eitt ár.
 
- Sjúklingur hefur aldrei fundið fyrir þessum verkjum nema þegar hann vaskar upp í sumarbústað - en er ráðlagt eftirlit ef verkirnir koma fram við önnur tækifæri...

- Sjúklingur hefur átt við gott heilsufar að stríða...

- Sjúklingur hefur fremur óbærilega verki...

- Sjúklingur hefur formlegar hægðir...

- Sjúklingur hefur skilið eftir hvítu blóðkornin á öðrum spítala.

- Sjúklingur hefur verið að þyngjast af asmanum sl. sólarhring...

- Sjúklingur hefur verið mædd sl. fimm ár...

- Sjúklingur hefur verið niðurdreginn alveg síðan hann byrjaði að hitta mig 1983.

- Sjúklingur lenti á parketgólfi og bar fyrir sig höndina með þeim árangri að hún brotnaði...

- Sjúklingur hefur verið í vandræðum með gervifótinn en hann hefur haft fjóra fætur frá því að hann lenti í slysinu, en þann síðasta fékk hann í apríl sl.

- Sjúklingur lærði söngnám...

- Sjúklingur tekur engin lyf en magnyl þess á milli...

- Sjúklingur tárast og grætur stöðugt. Virðist líka vera niðurdreginn.

- Sjúklingur var í góðu ásigkomulagi þangað til flugvélin hans varð eldsneytislaus og hrapaði.


Föstudagur

Ég hef mikið skrifað um mánudaga en ekkert um föstudaga. Í dag er einn svoleiðis, það er að segja föstudagur, þeir eru fínir því það er alltaf frídagur sem fylgir þeim.  Nema þegar það er ekki þá eru þeir bara eins og hver annar dagur t.d miðvikudagur. En er ekkert skipulagt um helgina nema eitt afmælisboð og svo kemst ég ekki hjá því að læra heima. Ég ætlaði að gera það í gærkvöldi en Axel bauð skólafélögum sínum í eldhúspartý og ég skellti mér bara með, sem var mjög góð hugmynd. Í kvöld er það svo útskriftarsýning Michaels, dómar verða birtir á morgun.

Á dauða mínum átti ég von...

...en ekki að ég ætti eftir að vera sammála framsóknarmönnum. Að vísu hefur framsóknarflokkurinn verið duglegur í að leiðrétta réttindi samkynhneigðra hér á landi og á heiður skilinn fyrir það. En seint mun ég fyrirgefa þeim þær skýjaborgir sem þeir reistu fyrir austan og það glópagullsæði sem flokkurinn laug upp á austfirðinga. En mér líst vel á þessar hugmyndir, að almenningur hafi greiðari aðgang að ákvarðannatökum um þau málefni sem þjóðina varðar. Það er óþarfi að hafa allt þetta fólk á alþingi sem greinlega veit ekkert meir en við sem heima sitjum og treystum þeim til að reka ríkið fyrir okkur. Valdið til fólksins segi ég, það á nú ekki að vera flókið að reka þetta litla land. Við flytjum út fisk og listir en flytjum inn ávexti og ferðamenn. Kannski væri bara hægt að fá góða húsmóður í breiðholtinu til að sjá um daglegan rekstur á íslenska ríkinu. Það gæti þó ekki verr farið en komið er.
mbl.is Lagt til að kosið verði til stjórnlagaþings
Tilkynna um óviðeigandi tengingu við frétt

Allt að koma

Jæja, þetta er nú allt að koma. Hlutirnir eru allir að skýrast og að verða léttari. Þessi vika verður sú síðasta þessa önn sem ég á frí eftir sjö á kvöldin, svo það er eins gott og nýta tímann. Í næstu viku byrjar allt á fullu, plús það ætla ég að leika í verki hjá sænska flykiknu sem verður áhugavert.

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband