Allt að koma

Ég átti gott tal við einn kennarann í gær. Hún er mjög klár og getur séð margt sem er í gangi í höfðinu á manni... og konu, pilti og stúlku. Allavega er margt sem ég ekki sá sem ég þarf að klára. Merkilegt þegar einhver spyr hugsar þú þetta? og þú fattar um leið að þú hefur alltaf gert það. Án þess að hafa verið meðvitaður um það. Svo er spurt hvaðan kemur þessi hugsun? og svarið kemur um leið, einhver minning birtist og þú sérð og skilur af hverju þetta er að brjótast um í höfðinu á þér. Um leið og hugsunin verður ljós er ferlið hafið að klára hugsun. Þú sér að þú þarft ekki að hafa þessa hugsun, hún gerir þér ekkert gott. Í staðin skapast rými fyrir nýjar og gagnlegri hugsanir. Flest okkar bera með okkur þungar hugsanir sem spruttu út frá hugsun sem varð til vegna atburðar. Atburðar sem kannski enginn annar tók eftir. Til dæmis pabbi lofaði alltaf að fara með mig í sund en gerði það aldrei = Það er ekki hægt að treysta körlum, allir hinir pabbarnir fóru með börnin sín í sund = Ég er utanveltu, Lífið er ekki fyrir mig.  Svona til dæmis, en hugsanir eru bara hugsanir. Þetta eru bara efnaskipti í heilanum á okkur og við getum alveg skapað jákvæðar hugsanir eins og neikvæðar. Við þurfum bara að ákveða hvorar við viljum til að fylla okkar huga.

Verð að rjúka í skólann.

Lífið er gleði, lífið er einfalt.

Morgun

Jæja, ég lét mig hafa það þó mig langaði voða mikið að vera heima. Það kom svo í ljós að þetta var síðasti fimleikatíminn, þessa önn. Sem er ágætt, en mér gekk samt ágætlega, ég hoppaði og rúllaði mér í kollnís eins og til var ætlast.

Talandi um stóla. Í gær var ég stóll. Við erum að semja dansverk og í einu atriðinu er ég svona samanbrjótanlegur sólbaðsstóll. Mjög gaman en reynir töluvert á kviðvöðvana.

Þrifdagurinn mikli er á sunnudaginn. Þá látum við eins og okkur sé sama um húsnæðið og gerum fínt fyrir prófi. En á laugardaginn eru sýningar. Ég er í 10 af 13 svo það verður nóg að gera. Ég hef geinilega ekkert bætt mig í því að segja nei við leikstjóra. Sem er kannski kostur, leikari sem vill ekki leika er aumur leikari.

Það er kalt og úti er blautt, en ég á flíspeysu og regnhlíf.

Morgun ógleði

Æi það er kalt og úti er blautt. Og ég nenni svo innilega ekki að fara hoppa og skoppa um í fimleikum í dag. Það hefði verið frábært að hafa haft kjark tvítugur til að fara út í nám. Svona er þetta bara...Mitt val er að njóta eða þjást. Ég ætla hvorugt að gera, aðeins að lifa af.

En annars gengur vel. Nú er það nýasta að hreinsa orð. Sem sagt við eigum að hreinsa allar okkar hugsanir sem við tengjum við orð. Svo sem stóll er eitthvað með fjóra fætur, bak og setu. Þannig að þegar persóna sem þú leikur segir stóll þá hefur þú hennar hugsanir tengdar stólum en ekki þínar. Þessar hugsanir hleður þú svo inn. Æfingin fer þannig fram, þú kemur þér vel fyrir og þylur svo upphátt hvað þýðir orðið stóll? En fyrst þarf að hreinsa orðið hvað svo þýðir og að lokum orðið. Að því loknu hreinsar leikarinn hvert einasta orð sem hann segir sem persónan í verkinu.

Svo segja þau að lífið sé einfalt.

Ástin lifir af eilífu

Í dag ætla Tinna litla kirsuber og Prinsinn að giftast.

Innilega til hamingju litlu hjón, heilla óskir og von um glæsta framtíð með ást og kærleik alla daga. Lifið heil í hundrað ár, svífandi um á bleiku sykurhjúpuðu skýi. 

Koss á kinn

xxx

Kung Fu

Kung fuið gekk bara vel. Ekkert spaugilegt svo sem. Þetta snýst bara um að passa að tjí-ið fari ekki í hjartað eða höfuðið. Þess vegna stígum við frá vinstri til hægri. Jebb, það held ég nú. Ég næ líklega Júró í kvöld í minsta kosti stigagjöfinni. Ef vel gengur að sýna í dag. Að vísu er stundvísin ekkert að fara með fólk í þesum blessaða skóla, svo það getur brugðist til beggja vona. Ég er næstum viss um að ég ætla að skrá mig á kvöld námskeiðið næsta ár. Þá er ég í skólnum frá sjö til tíu mánu- til fimmtudag allan laugardaginn en frí föstu- og sunnudag. Sem gefur mér þá tíma til að lifa smá lífi og undirbúa mig eins vel og ég vil fyrir tímana. Því leikstjórnin bætist við á næsta ári og ég ætla ekki að fara sofa tvo til fjóra tíma á sólarhring eins og sumir gera hér. Það er eitthvað ekki í lagi þegar allir nemendurnir eru að telja niður dagana í næsta frí. Við ættum að vera full af eldmóði og sköpunargleði drifinn áfram af innblæstri. En í staðinn göngum við um eins og svefngenglar með markmiðið eitt að lifa af daginn.

En nú er ég ekki aflögufær um meiri tíma tilað tapa mér hér. Verð að fara undirbúa sýningar dagsins.

Hafið það sem allra best.

 

 

Kung Fu

Kung fuið gekk bara vel. Ekkert spaugilegt svo sem. Þetta snýst bara um að passa að tjí-ið fari ekki í hjartað eða höfuðið. Þess vegna stígum við frá vinstri til hægri. Jebb, það held ég nú. Ég næ líklega Júró í kvöld í minsta kosti stigagjöfinni. Ef vel gengur að sýna í dag. Að vísu er stundvísin ekkert að fara með fólk í þesum blessaða skóla, svo það getur brugðist til beggja vona. Ég er næstum viss um að ég ætla að skrá mig á kvöld námskeiðið næsta ár. Þá er ég í skólnum frá sjö til tíu mánu- til fimmtudag allan laugardaginn en frí föstu- og sunnudag. Sem gefur mér þá tíma til að lifa smá lífi og undirbúa mig eins vel og ég vil fyrir tímana. Því leikstjórnin bætist við á næsta ári og ég ætla ekki að fara sofa tvo til fjóra tíma á sólarhring eins og sumir gera hér. Það er eitthvað ekki í lagi þegar allir nemendurnir eru að telja niður dagana í næsta frí. Við ættum að vera full af eldmóði og sköpunargleði drifinn áfram af innblæstri. En í staðinn göngum við um eins og svefngenglar með markmiðið eitt að lifa af daginn.

En nú er ég ekki flögufær um meiri tíma tilað tapa mér hér. Verð að fara undirbúa sýningar dagsins.

Hafið það sem allra best.

 

 

Gleði gleði gleði

Ísland komst loksins áfram. Sem þýðir annað partý á laugardaginn. Ég borðaði svo mikið nammi að mér er illt í maganum.

Kung Fu, jebb ég er að fara læra kung fu á morgun. Þið getið rétt ímyndað ykkur hvernig undirritaður kemur til með að standa sig í því.

Gerið ykkur klár fyrir góða færslu á laugardaginn.

Kaffi og 70% súkkulaði ummmmmm

Já, það er ekki betri leið til að byrja daginn. Í dag er góður dagur. Bara ein æfing í kvöld. Svo ég get horft á undankeppnina í kvöld. Húrra! Ég er búin að undirbúa kvöldmatinn og kaupa snakk, þannig að allt er tilbúið fyrir mitt litla júrópartí. Einkapartí vegna þess að meðleigendur mínar hafa ekki alveg skilning á keppninni. Þeim finnst hún bara hallærisleg, já einmitt segi ég en þeir horfa bara á mig með rannsakandi augum. Og bíða eftir því að ég haldi áfram eins málið þurfi eitthvað frekari útskýringar. En greyið þeir bara. Það verður stuð hjá mér. Áfram ísland, gæði lagsins skipta ekki máli. Einn fyrir alla og allir fyrir einn. Koma svo...

Jæja...

Það gekk vel að flytja La Bohéme aríuna í dag. B-ið steinlá. En eftir er glíman við háa C-ið. En það kemur þegar ég hita upp en lætur ekki sjá sig í aríunni. En mikilvægast er að myndirnar og hugsun persónunar komist til skila, þetta er nú leiklistarskóli ekki söngskóli. Með því að byggja upp umhverfi og hugsun persónunar þá fylgja tónarnir.

Við hoppuðum og skoppuðum um í fimleikum í dag. Alveg merkilegt að maður skuli borga fyrir þetta, ha? Ég er samt ekki frá því að ég sé allur að koma til. Kollnísarnir mínir eru allavega bara nokkuð góðir.

Við vorum líka að læra tala í dag. Við útlendingarnir í skólanum kunnum nefnilega ekki að tala. Erum öll svolítið kjánaleg þegar við tölum. Sérstaklega sú sænska, æi svíar þeir eru svo vitlausir.

Þeir ætla að taka af mér júróvision. Já, já sýningar á laugardagskvöldi, alveg frábært. Og mig sem langaði svo í íslendingafélags partýið. Þau ætla að bjóða upp á sómasamlokur og allt.

En þetta er annars bara nokkuð gott og á ágætis siglingu.

Vindur í seglin

Jæja núna eru þrjár vikur í próf og ekki um annað að ræða en blása í seglinn sjálfur. Sem ætti ekki að vera mikið mál fyrir vindbelginn mig. Annars er ósköp lítið merkilegt að gerast. Nema hvað mér finnt annsi ólíklegt að við sem erum á fyrsta ári höldum áfram á það næsta. Það er nokkuð rót komið á manskapinn. Skrifa meira seinna.