Ek lifi enn

Sæl nú,

Bara láta vita að ég er hér enn í einum bita. Var að koma heim núna rétt fyrir eitt úr skólanum eftir að hafa mætt eldhress í jóga kl 8:30. Dagurinn var fínn svo sem við kvöddum bitra ballroom hommalinginn, en hann er allur að þiðna greyið. Hann kennir okkur ekki mér þessa önn, blendnar tilfinningar en flestar jákvæðar verð ég þó að segja. Í gær var ekki þverfótað fyrir grenjandi leikstjórum uum alla ganga. Sem gerði allan frágang, og umgang almennt, annsi flókinn. Því ekki vill maður trufla fólk í tómu volaði og sjálfsvorkunn.  Annar lok nálgast og stressið farið að segja til sín. En ég er hress enda bara fyrsta árs leikara nemi. Á morgun eru æfingar og sýningar og á sunnudaginn þrifum við svo skólann. Einmitt það sem þú ert að hugsa, en sniðugt. Nemendurnir kom á sunnudegi og þrífa skólann. Þa er venjulegt. Nei, það er það ekki. En ég mæti engu að síður hress og skila mínu með sóma og hana nú. Á sýningunum leik einn 17 ára, einn 35 ára, einn 65 ára, einn 32 ára og að lokum einn 40 ára, þannig e-ð verð ég ruglaður í tíma og rúmi annað kvöld.

Ég var að raka á mér höfuðið áðan. Gekk bara vel en það væri gott að geta tekið af sér eyrun svona rétt á meðan maður er að fara yfir þetta. Sem minnir mig á klippikonu sögu. Hún var að klippa konu og eyrun á henni voru e-ð fyrir. Svo konan bara tók af sér eyrað. Já það held ég nú. Hún var af ríkum ættum og hafði verið rænt (Sko, konan ekki klippikonan) og eyrað af henni sent sem sönnun um að ræningjanir hefðu hana undir höndum. Skrítin þessi veröld, ekki satt?

 

Athugasemdir

[Ída, Skúli, Sandra og Sæþór (IP-tala skráð) 1.3.2008 kl. 16:54]

Við vorum nú bara að koma úr Gróttu að týna skeljar í blíðunni. Gangi þér vel að þrífa og vonandi nærðu þér til baka á réttan aldur hehe. Okkur langar ekkert að fá gamlan kall heim

Kv úr Lækjarfit 7 Ída og SBH x3 (Hjálmar er í fjallaferð og fær ekki að vera með í kveðjunni)

[mamma (IP-tala skráð) 1.3.2008 kl. 17:05]

hef alltaf sagt þetta sé svo afstætt með aldurinn.

[Hildur Evlalía (IP-tala skráð) 2.3.2008 kl. 02:04]

ertu svona rosalega þreyttur? Skildi ekki orð sem þú varst að skrifa þarna
allavega, nýttum okkur næstum alla menningu sem litla Stokkseyri hefur að bjóða og fórum á draugasafnið, álfasafnið og út að borða á Fjöruborðinu. Allt í tilefni ammælis og í boði bóndans að sjálfsögðu. Er ennþá svolítið eftir mig eftir hringinn í draugasafninu. Leið mjög óþægilega á köflum og upplifði mikið taugastríð og hræðslu í klukkutíma. Mig langaði að snúa við á fyrstu mínútunum en þorði ekki að snúa við.. skræfa? já held það nú.

en farðu nú vel með þig á þessum síðustu dögum fyrir annarlok, bestu kv. úr Heiðarbrúninni.

[Unnar Geir Unnarsson, 2.3.2008 kl. 19:29]

;)

[aðalheiður (IP-tala skráð) 2.3.2008 kl. 19:30]

Hildur þú ert hugrökk, hljóp út í 3ja herberginu og Ída greyið þurfti að fara hringin ein

[Aðalheiður (IP-tala skráð) 2.3.2008 kl. 19:30]

á draugasafninu sko