Húrra

Ég hef nú ekki fengið betri fréttir í langa tíð. Ef maður einhvern tíman þjáist af heimþrá, fylgir því alltaf minning um að sitja í eldhúsinu heima að borða skyr og hlusta á rás eitt. Nú get ég slegið á heimþrána allt með hjálp .is bæði rúv.is og skyr.is. Þetta er allt svo nýmóðins. Það fer kannski að vera búandi í þessari borg ef maður getur farið að nálgast skyr. Mamma reyndi að senda mér dollu en eitthvað gekk það illa. Enda breska póstburðarkerfið ekki hannað með skyrflutning í huga. Dollan var sprungin og skyrið orðið súrt þegar það loks barst mér í hendur. Það voru því mjög glaðir póstmenn sem réttu mér pakkann, fegnir að losna loks við súra pakkann frá íslandi. Nú þarf ég bara að gera út leiðangur og þefa upp skyr.is í london. 

Skyr.is til Englands

Athugasemdir

[Ída (IP-tala skráð) 12.6.2008 kl. 11:00]

Hellú

Þeir verða örugglega líka glaðir í póstinum

Það biðja allir að heilsa

[Hildur (IP-tala skráð) 12.6.2008 kl. 11:34]

Vona að nefið bregðist þér ekki og þú náir á endanum að þefa uppi skyrið góða.

bestu kveðjur úr sveitinni..

[Mamma (IP-tala skráð) 12.6.2008 kl. 15:27]

jæja nú er verið að pakka svo verður lagt af stað suður á morgun .heldur þú að þeir fari ekki barasta að flytja út harðfisk og hangikjöt  eitthvað gengur svönu illa að láta danina borða harðfisk

[Unnar Geir Unnarsson, 12.6.2008 kl. 21:52]

;)