Huginn Bjarki

Elsku litli og allra nýasti frændi minn á afmæli í dag. Hann Huginn Bjarki er bara strax orðinn eins árs,elsku skinnið.

Innilega til hamingju með daginn frændi.

 

 

Sandra Björg

Hún Sandra Björg, elsku litla frænka á afmæli í dag. Innilega til hamingju litla skott, njótu dagsins. Ída mín, ég sendi þér baráttukveðjur, gangi þér vel með skotturnar allar ;)

Sandra Björg, afmælisbarn.

Fermingar

Hann Skúli Berg, besti frændi minn fermdist á laugardaginn. Góður dagur og pilturinn til prýði og fjölskyldu sinni til sóma. Ída systir bað mig um að stjórna veislunni og eitt skemmtiatriðið var að við systkynin Hildur, Aðalheiður og ég sungum til Skúla texta við Hallelujah eftir Cohen. Reyndar biðum við þanngað til í eftirpartýið var komið, við vorum ekki viss hvort lagið ætti við svona í aðalveislunni. En textinn er svona.

Ó, hann Skúli Berg er fermdur nú

Það fermdi hann einhver úfinn frú

Hann er fermdur og englar syngja Hallelúja

Að sit´í kirkju er þrautinn þung

Af leiða mig langar að sparka í pung

Hann er fermdur og hann syngur Hallelúja

Ferming Skúla

Ferming Skúla

Ferming Skúla

Ferming Skúla

Við erum samt hér öll á lífi nú

Að fagna því hann tók kristna trú

Hann er fermdur og englar syngja Hallelúja 

Ó,Skúli Berg þú ert besta skinn

en þú skuldar mér einn vinur minn

Þú ert fermdur og ég syng Ó, Hallelúja

Ferming Skúla

Ferming Skúla

Ferming Skúla

Ferming Skúla

 Ó, hann Skúli Berg er fermdur nú

Það fermdi hann einhver úfinn frú

Hann er fermdur og englar syngja Hallelúja

En út í lífið ferðu brátt

gríptu það og trúðu á eiginn mátt

Þú er fermdur og syngur Ó, Hallelúja

Ferming Skúla

Ferming Skúla

Ferming Skúla

Ferming Skúla

   

 

HahhaahhHhahahah

Hvað er þetta nú fyndið? Tvær svona persónur sem varla eru raunverulegar hittast yfir stólpípu í póllandi og gifast svo í stofunni heima að viðstöddum hundi. Gaman af þessu verð ég nú að segja. Næst verða það svo Andrés Önd og Solla Stirða sem ganga í hjónaband en þau kynnust í Bótox meðferð í Úganda.

Jónína og Gunnar í hjónaband

Úti er ævintýri...

Já, það er merkilegt hvað helvítis hamingjan ætlar að stoppa stutt við hjá mér. Ég fer að verða komin með sigg á hjartað, það hefur verið rifið svo oft úr brjósti mér.

Ég er ráðalaus gagnvart þessu...

Eftir önn...

Jæja, ströng en stutt önn að baki. Ég kom þremur verkum í gegn, eitt fór í prófið og tvö stöðust önnina. Auk þess var ég nemenda aðstoðarskólastjóri í fimm vikur. Geri aðrir betur, ég er súperman!

Eða næstum því... Í það minnsta er ég rogginn með mig.

Í dag er Santi Patreksdagur hér í borg. Þá drekka bytturnar á horninu í grænum bolum og bareigandi hengir upp blöðrur. Ég sjálfur sötra Guinnes ölara svona rétt áður en ég fer að kenna miðaldra konum jóga. En jóga kennarinn okkar bað mig að leysa sig af í nokkra tíma núna í fríinu. Fínt að fá inn smá aur.

Annars er ég bara að undirbúa íslandsför og svo næstu önn að sjálfsögðu. Næst er það ópera og söngleikur, iss piss og pela mál, ekkert mál. 7, 9 ,13 ber í við.

Yfir og út.

Dagur eftir þennan dag

Nei, ég er ekki að tala um Dag Bé Eggertsson hinn fagra. Bara svona dagana yfirleit. Hér rúllar allt sinn vanagang, skóli æfingar og heimavinna. Shakespeare æfingin mín gekk mjög vel og ég er byrjaður að vinna senu úr Ég er Meistarinn eftir Hrafnhildi Hagalín. En Hrafnhildur gaf mér góðfúslegt leyfi til að vinna með verkið hennar, fann hana á facebook, við erum núna vinir.

Á föstudaginn tek ég við sem nemenda aðstoðarskólastjóri, því skólinn er að hluta nemenda rekinn. Spennandi en þýðir náttúrulega meiri vinnu. Gaman af því. Annars fer þetta nú að klárast, námið sko, lífið er rétt að byrja.

Tónleikar

Hildur systir mín fallega  heldur tónleika í kvöld klukkan 18:00 í Laugarneskirkju. Skyldu mæting fyrir allar kerlingar, alla kalla með eða án skalla og hressa krakka káta.

 

 

 

 

 

 

 

 

Ég óska þér góðs gengis elsku Hildur mín ég hugsa til þín.

Hildur að syngja

Hún litla systir mín heldur burtfarartónleika sína á laugardaginn kl 18:oo í Laugarneskirkju, endilega allir að skella sér í kirkjuna.

Sýningin mín gekk ekki alveg nógu vel í gær ég þarf eitthvað að endurskoða hana. En æfingin á shakespeare verkinu gekk vel í gærkvöldi gekk vel svo það verður spennandi að sýna það á morgun.

Við erum að vinna að leyniverkefni sem gæti skilað mér hlutverki í bíómynd í haust, spennadi. Þetta er leyni því myndin á að koma fólki á óvart. En núna erum við bara að vinna þetta í spuna.

Annars er hér skítakuldi. 

Blogg leti

Já, það hefur verið erfitt að finna tíma til að blogga, hvað þá að hringja í fjölskylduna. En ég er hér enn og allt gengur vel. Er að fara sýna fyrstu leikstjórnar æfinga þessa önnina í kvöld. Ég lauk fyrsta hlutanum af kennslu náminu í síðustu viku, og gekk það bara nokkuð vel. Þessi önn verður annsi ströng en vonandi sú næsta og sú síðasta af leiklist og leikstjórn verði eitthvað rólegri.

Bretarnir eru að komast yfir snjókomuna um daginn og lífið bara gengur sinn vana gang.