Kung Fu

Kung fuið gekk bara vel. Ekkert spaugilegt svo sem. Þetta snýst bara um að passa að tjí-ið fari ekki í hjartað eða höfuðið. Þess vegna stígum við frá vinstri til hægri. Jebb, það held ég nú. Ég næ líklega Júró í kvöld í minsta kosti stigagjöfinni. Ef vel gengur að sýna í dag. Að vísu er stundvísin ekkert að fara með fólk í þesum blessaða skóla, svo það getur brugðist til beggja vona. Ég er næstum viss um að ég ætla að skrá mig á kvöld námskeiðið næsta ár. Þá er ég í skólnum frá sjö til tíu mánu- til fimmtudag allan laugardaginn en frí föstu- og sunnudag. Sem gefur mér þá tíma til að lifa smá lífi og undirbúa mig eins vel og ég vil fyrir tímana. Því leikstjórnin bætist við á næsta ári og ég ætla ekki að fara sofa tvo til fjóra tíma á sólarhring eins og sumir gera hér. Það er eitthvað ekki í lagi þegar allir nemendurnir eru að telja niður dagana í næsta frí. Við ættum að vera full af eldmóði og sköpunargleði drifinn áfram af innblæstri. En í staðinn göngum við um eins og svefngenglar með markmiðið eitt að lifa af daginn.

En nú er ég ekki flögufær um meiri tíma tilað tapa mér hér. Verð að fara undirbúa sýningar dagsins.

Hafið það sem allra best.

 

 

Gleði gleði gleði

Ísland komst loksins áfram. Sem þýðir annað partý á laugardaginn. Ég borðaði svo mikið nammi að mér er illt í maganum.

Kung Fu, jebb ég er að fara læra kung fu á morgun. Þið getið rétt ímyndað ykkur hvernig undirritaður kemur til með að standa sig í því.

Gerið ykkur klár fyrir góða færslu á laugardaginn.

Kaffi og 70% súkkulaði ummmmmm

Já, það er ekki betri leið til að byrja daginn. Í dag er góður dagur. Bara ein æfing í kvöld. Svo ég get horft á undankeppnina í kvöld. Húrra! Ég er búin að undirbúa kvöldmatinn og kaupa snakk, þannig að allt er tilbúið fyrir mitt litla júrópartí. Einkapartí vegna þess að meðleigendur mínar hafa ekki alveg skilning á keppninni. Þeim finnst hún bara hallærisleg, já einmitt segi ég en þeir horfa bara á mig með rannsakandi augum. Og bíða eftir því að ég haldi áfram eins málið þurfi eitthvað frekari útskýringar. En greyið þeir bara. Það verður stuð hjá mér. Áfram ísland, gæði lagsins skipta ekki máli. Einn fyrir alla og allir fyrir einn. Koma svo...

Jæja...

Það gekk vel að flytja La Bohéme aríuna í dag. B-ið steinlá. En eftir er glíman við háa C-ið. En það kemur þegar ég hita upp en lætur ekki sjá sig í aríunni. En mikilvægast er að myndirnar og hugsun persónunar komist til skila, þetta er nú leiklistarskóli ekki söngskóli. Með því að byggja upp umhverfi og hugsun persónunar þá fylgja tónarnir.

Við hoppuðum og skoppuðum um í fimleikum í dag. Alveg merkilegt að maður skuli borga fyrir þetta, ha? Ég er samt ekki frá því að ég sé allur að koma til. Kollnísarnir mínir eru allavega bara nokkuð góðir.

Við vorum líka að læra tala í dag. Við útlendingarnir í skólanum kunnum nefnilega ekki að tala. Erum öll svolítið kjánaleg þegar við tölum. Sérstaklega sú sænska, æi svíar þeir eru svo vitlausir.

Þeir ætla að taka af mér júróvision. Já, já sýningar á laugardagskvöldi, alveg frábært. Og mig sem langaði svo í íslendingafélags partýið. Þau ætla að bjóða upp á sómasamlokur og allt.

En þetta er annars bara nokkuð gott og á ágætis siglingu.

Vindur í seglin

Jæja núna eru þrjár vikur í próf og ekki um annað að ræða en blása í seglinn sjálfur. Sem ætti ekki að vera mikið mál fyrir vindbelginn mig. Annars er ósköp lítið merkilegt að gerast. Nema hvað mér finnt annsi ólíklegt að við sem erum á fyrsta ári höldum áfram á það næsta. Það er nokkuð rót komið á manskapinn. Skrifa meira seinna.

Sætu strákarnir okkar

Líklega besti árangur íslendlinga(hommalinga) á alþjóðlegumóti síðan íslendingar urðu B heimsmeistarar í handbolta þarna um árið. Nú mæta allir og styðja sætu strákana okkar í london í ágúst. Áfram strákar... með strákum

Í 2. sæti á bikarmóti samkynhneigðra

Rússíbanareið hugans

Jæja, það er aldeilis sem gengur á í höfðinu á mér núna. Eina stundina langar mig helst að kveðja þessa vælukjóa og halda á önnur mið. En aðra langar helst að sökkva mér niður í lærdóm og sigra heiminn fullur af innblæstri og eldmóð. Það sem ég þarf að gera núna að að læra þekkja forspor niðursveiflunar svo ég geti stoppað hana. Og minna hugann á að svona vilji ég hugsa þegar ég er í uppsveiflu eða bara þarna rétt á milli. Það er kannski óþarfi að vera í endalausum sveiflum alla tíð. En svona gengur þetta. Þessi stutta vika búin, frí á morgun en æfingar allann sunnudaginn. Svo eru bara þrjár vikur í prófið. Þetta er allt að koma. 

Slæ á lærdóm

Ég er snillingur. Jebb, snillingur í að slá því á frest sem ég hef tíma til að gera seinna. Nú hef ég haft 5 daga til að læra heima og undirbúa mig fyrir komandi vikur. En nú eru rétt fjórar vikur í prófdaginn. En í staðinn hef ég gengið um gólf og fundið mér allt mögulegt til dundurs, allt annað nema læra. Mig minnir að Ási í Hagaborg hafi sagt að gerast nemi væri einnig að gerast áskrifandi að nagandi samviskubiti. Því í hvert sinn sem þú værir ekki að læra værir þú alltaf að hugsa að þú ættir nú að vera læra. En engu að síður nái ég um kvöldmatarleytið loks að byrja læra. Að vísu náði ég fyrr um daginn að skrifa flotta styrkumsókn til Kaupthings og millifærði húsaleiguna en ég átti að vera læra. En það var erfitt að reyna læra Che gelida manina á ensku með eyrnatappana í kafi í eyrunum þegar Roi og Chris sátu syngjandi fullir í eldhúsinu fyrir neðan. Já, misjafnt er það sem mennirnir aðhafast.

En í dag er nýr dagur, ég vaknaði klukkan níu. Og hef einsett mér að læra þangað til ég fer að sjá King Lear. Það rann nefnilega upp fyrir mér þegar ég var að setja niður námsárangur og starfreynslu vegna umsóknarinnar. Að ég er bara alls ekki eins vitlaus og ég hélt að ég væri. Ég hef bara staðið mig nokkuð vel. Sú hugsun fæddist nefnilega í hausnum á mér að ég hefði sóað tímanum fram að þessu. Ég hefði klúðrað öllu og ætti ekki neitt. En þegar ég horfi á líf mitt á svörtu og hvítu til þessa dags og svo fram á veginn. Það get ég ekki annað en verið ánægður og hlakkað til þess framtíðin ber í skauti sér. 

Að vera eða ekki vera... í skotapilsi

Ef það hefur einhvern tíma verið veður til að klæðast fatnaði með aukinni loftkælingu, er sá tími runnin upp. Ég hef samt mínar efasemdir um kosti þess að klæðast pilsi. Það getur nefnilega verið verið erfitt að stjórna því magni af lofti sem notað er til loftkælingar. Eins og dæmin sanna. Greyið maðurinn með báðar hendur fullar og allar kinnar berar. Vandræðalegt.  Þó svo að mér finnist gaman að koma fram opinberlega. Þá veit ekki hvort ég sé tilbúin að taka áhættuna á svona opinberun.

 

Lífið er kabaret...

Við fórum að sjá Cabaret söngleikinn, nú fyrr í kvöld. Algjört prump! Kabaretinn sem Leikhópurinn á Senunni setti upp í Óperunni var miklu betri, skal ég segja ykkur. En á morgun ætlum við að sjá King Lear í Globe leikhúsinu. Við ætlum að standa rétt eins og lýðurinn sem við erum gerði í þá daga. Ég vona bara að fæturnir þoli Shakespeare harmleik í þrjá klukkutíma. Þeir ættu nú að gera það eftir allar þessar fóta æfingar. Annars ætla ég að vera voða duglegur að læra á morgun, þriðjudag. Gengur ekki að sleikja sólina alla daga.