Magnús Mús er allur

Jæja, hann Magnús Mús fannst ofan í steikarpönnu seint í gærkveldi. Eitthvað kveið hann að hitta meðleigendur sína. Því hann hoppaði undir ísskáp þegar ég kom inn í eldhúsið. Mín fyrstu nátturulegu viðbrögð voru að hoppa upp á stól og öskra eins og konan í Tomma og Jenna. En þar sem ég karlmenni mikið, gerði ég það ekki heldur lyfti bara upp öðrum fætinum og gargaði í hljóði, nngggg! Ég raðaði svo öllum músgildrum heimilisins hringinn í kringum ísskápinn, stappaði niður fótunum og snéri mér í hring. Snapp, Magnús Mús var allur.  Blessuð sé minning hans.

Athugasemdir

[aðalheiður (IP-tala skráð) 2.2.2008 kl. 10:03]

ég samhryggist þér innilega unnar minn. vonandi nærðu þér eftir þetta áfall

[Hildur Evlalía (IP-tala skráð) 2.2.2008 kl. 15:57]

þá sleppi ég því að koma með tvo bandóða kettlinga í heimsókn til London.. og ég afsaka comment með að þú myndir eiga auðvelt með að leika kóng, höfum það frekar prinsessu  bara grín...

bestu kveðjur úr snjónum og frostinu